كان يا مكان في بينا حكاية
عشت معاه أجمل ليالي
هو في عيني أحلى دنيا
وكان حضنه آخر أماني
ومن بعده أنا مش زي زمان
بضحك قدام الناس عادي
وجوايا ألف وجع وأحزان
بضحك وأنا موجوع
و بخبي كسرِة سنيني
نسيت أنا كنت مين
وبقيت عايش بالحنين
“أنا مش تمام
من يوم ما غاب
و سَيب لي في القلب وجع ملوش عنوان
كل اللي بينا
بقت مجرد زكريات
ليه يا زمان…
أنا مش تمام
مهما بقول تمام
بضحك وأنا موجوع
وروحي تايهة معاه.
كل مكان كان بيِجمَعنا
بقى يوجعني ف سُكاتي
بمشي خطوة لقدام،
وأرجع لنفس المكان،
و كل ما أقول نسيت ألاقي وجعي لسه فكل زمان
لسه بفتكر كلامه،
وكل ليلة أناديه،
وبقول يمكن يرجع ثاني
ويضمني بين إيديه
كنت بداري سنينه من غير ما أحكيله
وبرسم له ضحكة من زمان
أنا مش تمام
من يوم ما غاب
و كل اللي بينا
صعب عليّا أنساه
أنا مش تمام
مهما أقول اه يا زمان
في حاجة جوايا
بتوجعني من غير كلام
عايشين ومش حاسين
بِنضحك وإحنا موجوعين
كل واحد فينا ساكت
عن حاجات مخبياها السنين
كان يا مكان…
وكان في بينا أمان…
من بعده كل اللي باقي
ذكريات وحرمان…
