موعتش يوم على ابويا
ظهري اتكسر سايب أثر
ما لقيتش غير امي واخويا
والدنيا زي طاحونه
كسرت ضلوعنا نزلت دموعنا
دي الدنيا فعلا ملعونة
أربع بيبان اتهدوا
باب الغرام باب الصحاب
باب العتاب مع باب قلبي
أنا حد جايب اخره
عشت في عذاب جالي اكتئاب
والكل غاب مين كان جنبي
جنبي مهدئ للأوجاع
جنبي زميلي لكن ده اتباع
جنبي بشر يتسمو قرايب
وانا بسببهم عشت ضياع
جنبي صور وانا بضحك فيها
جنبي ضغوط مش عارف أرميها
جنبي حبيبتي بقالها سنين
مش عارف اني أتقدم ليها
حلوة الحياه من بره
بس اللي جوه غير اللي بره
والحوجه مُره وهدتني
قتلتني مليون مره
ضحكتها غدر نواياها شر
قسيتني بعد ما ذلتني
ماتعلمتش من غلطاتي
بس اتعلمت اني اتحمل
ولا كان عندي سبب لحياتي
بس المفروض اني أكمل
حتى شهادتي في نيش اتحط
بعد ياما ألوفات اتصرفت
واديني قاعد اهو ع القهوه
وقهوتي ويا دموعي اتشربت
ما لقيتش حد فاهمني
مستغربني مستهفني
شايفني اني ماليش كتالوج
طب مين في مرة اسمعني
جابني وقابلني قعد كلمني
هحكي اللي جوايا مش مجروح
مش مجروح ان الجيب فاضي
بحمد ربنا وبقول راضي
يمكن في كتير أحسن مني
بس أنا مبسوط وبقول عادي
ما انا تفكيري مش تفكير مادي
ايوا ماخدتش عمال بدي
وما بصتش في ايدي يوم غيري
أنا غلبان عايش على قدي
كل الحياه انتي يا امي
انتي الأمان منبع حنان
انتي اللي في زعلي بتضمي
غيرك من شايل همي
مين اللي شال حمل الجبال
بقولها بأعلى صوت، امي
أنا من يوم ما وعيت على الدنيا
عمري ما عشت الراحه في ثانيه
كنت أنا بتعب عادي واتمرمط
علشان خاطر ورقه بمية
متبقع وبتتقطع
وانا على عرش الفقر مربع
واما الدنيا دي ضحكت ليا
قالوا طول عمره عايش مدلع
موعتش يوم على ابويا
ظهري اتكسر سايب أثر
ما لقيتش غير امي واخويا
والدنيا زي طاحونه
كسرت ضلوعنا نزلت دموعنا
دي الدنيا فعلا ملعونة
ما بقاش في حاجه تريحني
حتى كلامهم ليا دبحني
واللي عامل عارف مصلحتي
أول واحد بيسوحني
كلو راميني في سكة بعيدة
والنهايات مش جايه سعيدة
نفسي اطلع بقى من الدنيا دي
أصل أنا نفسي في دنيا جديدة
مجروح ومش بتكلم
لكن عينيا بتقول وتحكي
من جوه مني أنا بتألم
أنا في الحياه بتعلم
أنا خدت درس مين بيا حس
وانا عيني من البكا بتضلم
