تعال عندي وعطني قلبك احكي له
ودي اسولف معه ودي اغني له
عن حب عايش معي واتنفس احساسه
والقى تفاصيل عمري في تفاصيله
حبٍ بقلبي كبير من اول ايامي
وابادله في الهوى عشقي واحلامي
في كل لحظه تمر ألقاه قدامي
واضم طيفه واقول إسهر معي ليله
محبوبي أكبر من شعور انسان
واعذب من الموسيقى والألحان
محبوبي ما مثله وطن في الدنيا
اسمه حبيب القلب كوردستان
هذا الوطن يا غلا ناسه ويا طيبه
فيه المحبه وفيه الحلم له هيبه
في رايته شمس مجدٍ ما لها غيبه
منهو يطوله؟ ومن يوصل مواصيله
له هامةٍ ما يجاري عزها هامه
وبقادته يفتخر هم مصدر إلهامه
ويشوف بكره كأن اليوم قدامه
ويحقق احلام جيل سابقٍ جيله
محبوبي أكبر من شعور انسان
واعذب من الموسيقى والألحان
محبوبي ما مثله وطن في الدنيا
اسمه حبيب القلب كوردستان
في عهد مسعود أشرق في السما نوره
وبعهد مسرور زادت بهجة الصوره
مسرور مسرور عزمه يثبت حضوره
له ينحني الصعب طوع امره ويمشي له
هذا الوطن ما ابدل به وطن ثاني
اسمي وعشقي وتاريخي وعنواني
والحب كله في كوردستان بارزاني
وانا بكل الفخر دايم اغني له
محبوبي أكبر من شعور انسان
واعذب من الموسيقى والألحان
محبوبي ما مثله وطن في الدنيا
اسمه حبيب القلب كوردستان
