عمّال تقلب في مواجعك
بالليل لوحدك مع دمعك
علشان محدش يبقى سامعك
عمال تعد في الخساير
تنفخ في دخان السجاير
وتسيح سنينك زي شمعك
يا عم نام
يا عم بكره يكون تمام
يا عم سيبك من القديم
الضرب في الميت حرام
يا عم روق
بعد الغروب عندك شروق
طول ما انت قلبك في السليم
اتوكل بس على اللي فوق
ليلاتي سهران في المعاد دا
حارق في دمك عاللي عدى
فاتح دفاتر لونها صدّا
شاغل دماغك باللي سابو
عامل مناحه على اللي غابوا
ودا كله ملهوش اي فايده
يا عم نام
يا عم بكره يكون تمام
يا عم سيبك من القديم
الضرب في الميت حرام
يا عم روق
بعد الغروب عندك شروق
طول ما انت قلبك في السليم
اتوكل بس على اللي فوق
