مابي وداعك ابيك تكون لي دايم
في نفسنا نعيش ما نلهى مع الباقي
ابيك حظٍ على طول العمر قايم
تهنى ليايله لا من فاضت أشواقي
قطعت كل البحور وجيت لك عايم
ومن طبعي أعيش ما اكشف عن أوراقي
الا انت ياللي بكل شعور لك هايم
تعال شف صورتك في داخل احداقي
مابي وداعك ابيك تكون لي دايم
في نفسنا نعيش ما نلهى مع الباقي
أبيع غيرك ووصلك له أنا السايم
اي والله انك غلاي وساكن أعماقي
كنت اتمناك باحلامي وانا نايم
والحين ربي جعلَك من أول أرزاقي
ما للمشاعر تجاهك بالعمر لايم
ولاني مع الناس لاشباهك بعد لاقي
ابيك لا ضاقت أوقاتي معي دايم
ونعيش عمرٍ ما نلهى به مع الباقي
مابي وداعك ابيك تكون لي دايم
في نفسنا نعيش ما نلهى مع الباقي
