يا قلبي فاتك قطار الحب وايامه
مالك ومال الشقا باخر مشاويرك
ارتاح وريّح وخلي الحب وآلامه
ولا انت تاخذ زمانك مع زمن غيرك
يا قلبي لا يخدعك ذا الوقت باوهامه
لا الوقت وقتك ولا التفكير تفكيرك
لا تتبع النفس طبع النفس لوّامه
ومن حب ذا الوقت ادعي ربك يجيرك
ياما مشينا يا قلبي بالهوى وياما
اعطيت واخلصت وعاشو ناس من خيرك
كثير مثلك يا قلبي ماتت احلامه
ضيّعت عمرك هواوي وحان تغييرك
يا قلبي فاتك قطار الحب وايامه
مالك ومال الشقا باخر مشاويرك
ارتاح وريّح وخلي الحب وآلامه
ولا انت تاخذ زمانك مع زمن غيرك
