تايه في وسط جراحي مش عارف اعمل ايه
وانسيت خلاص افراحي والهم خدت عليه
ماشي ومش دريان بالدنيا حواليا
والحزن مصاحبني متدمرة النفسية
شكرا على الاوجاع ياللي طلعت بياع
عيشتني في خداع مبقتش عارف أنام
وبقلبي أنا اتسليت علقتني ومشيت
وانا للاسف حبيت والحب كان أوهام
حتى صحابي اللي انا كنت بعمري بفديهم
وقت اما عوزتهم معايا مش بلاقيهم
طب مين يهون عني مين يسمعني مين
وكاني كنت بروح لأوطى ناس وانقيهم
ايوه فشلت في اني اعرف ناس عليها قيمة
كل اللي دخلو حياتي ناس مش سهلة ولئيمة
تعبوني نفسيا وخلو الهم ملازمني
ذنبي اني طيب والزمن دا الطيبة فيه قديمة
يا زمن كفايه والله اكتفيت
دا اللي دار معايا خلاني انتهيت
اي حاجة حلوه عملتها اتنست
لما شبعو مني وحدي أنا اترميت
كل يوم في اوضتي بكلم الحيطان
بشكي للمرايه من غدر الزمان
طب صحابي باعو ليه حبيبي خان
يعني كان جزائي اني اديت الامان
في الغربه شفت كتير عمري اتسرق مني
عايش بجرح كبير واهلي بعيد عني
في الغربة أنا اتهديت مالقتش حد أصيل
ولا حتى مره لقيت حد يصون الجميل
الكل عنده حساب لا غوالي ولا احباب
طبع الاسود غلاب وانا حقي مش هيروح
دانا قلبي دمرتوه وفي وهم عيشتوه
والحب مثلتوه سبتوني وانا مدبوح
حتى اللي كنت بحبها مكنتش حباني
واللي كانت حباني كنت سايبها بتعاني
القلب ليه مش رايد اللي يحبه ويصونه
ماشي ورا اللي تاعبه واللي قالو انساني
يا قلوبنا لو بأدينا كنا فرحنا ونسينا
والحزن عمره ما كان هيعرف الطريق لينا
احنا اتكسرنا خلاص يا قلبي يوم ماحبينا
وفي سكة ضلمة يا قلبي روحنا بعدنا ومشينا
يا زمن كفايه والله اكتفيت
دا اللي دار معايا خلاني انتهيت
اي حاجة حلوه عملتها اتنست
لما شبعو مني وحدي أنا اترميت
كل يوم في اوضتي بكلم الحيطان
بشكي للمرايه من غدر الزمان
طب صحابي باعو ليه حبيبي خان
يعني كان جزائي اني اديت الامان
