عطشان يابا والعطش صباني
إحساسي بيه صغرني كام سنه صباني
تسلم عيونه ويسلم الحُسن الرباني
والعود اللي ماشالله عليه
عشقان يابا والعشق ملاني
ماعرفش إيه حصلي ماعرفش مالي اني
قلبي بلغني أحبه ووصاني ومَلّاني
مابعدش عنه ماسيبش إيديه
آه يابا يابا عليه يابا يابا
ده عيونه عملو عليا عصابه
سايب ف قلبي انا ألف إصابه
وقتلني يابا بسِحر عينيه
شوقنى يابا والشوق صحى عيني
تسلم مجايبي والله إختارت صح عيني
أخاف تحسده م الجمال والصِحه عيني
ادمنته و اتعلقت انا بيه
قتاله عينه يابا فيها سحر عالي
من يوم ما شوفته ماعرفش انا ايه جرالي
نساني اسمي وجه قلبلي ف ثانيه حالي
بحبه حب ياربي عليه
آه يابا يابا عليه يابا يابا
ده عيونه عملو عليا عصابه
سايب ف قلبي انا ألف إصابه
وقتلني يابا بسِحر عينيه
ف العالي يابا سهمه طالع ف العالي
من حقه يشوف نفسه ويتمادى ف التعالي
مين قده صاحب السمو والمعالي
ف الدنيا مين يتشبه بيه
ع الهادي يابا خَد قلبي مني ع الهادي
واللي بيحصل من يوم ما شوفته مش عادي
دنا غير عيونه مش بشوف انا قصادي
وليل نهار سرحان أنا فيه
آه يابا يابا عليه يابا يابا
ده عيونه عملو عليا عصابه
سايب ف قلبي انا ألف إصابه
وقتلني يابا بسِحر عينيه
