النهارده حاسه إني طايره ف السما بين ايديك
وانت قدامي وحاضِنّي .. أوصف إيه يا حبيبي ليك
مستحيل الفرحه دِيَّه .. تتوصف يوم بالكلام
مستحيل أبداً عينيا .. الليلادي كمان تنام
..
دي بدايتنا .. و ده أول يوم ف بيتنا .. اللي مع بعض إختارناه
دي حكايتنا .. اللي عِشناها وعاشتنا .. ده اليوم اللي انا بستناه
..
العيون باصين علينا .. كلهم لينا فرحانين
والسعاده اللي ف عينينا .. تختصر حب السنين
دنت حلم العمر كله .. اللي بقى واقع خلاص
قلبك انت هعيش ف ضِله .. مش هشوف غيرك انت ناس
