أمانه عليك يا ليل تبعتله سلاماتي
وقوله مكنش مجرد ذكرى في حياتي
وصارحه بالحقيقه كمان مفيش نسيان
في بعده عشان قابلت ف بعده مأساتي
أمانه عليك يا ليل توصفله أشواقي
وقوله بجد مش لاقي في غيبته حبيب
ومنستهوش ومش بنساه انا نهائى
معايا وجمبي مهما يروح وعني يغيب
وحياه سهرك يا ليل لتقوله علي حالي
وقوله من فراقنا .. مغابش عن بالي
اشرحله حزني ولهفتي وازاي كئيبه دنيتي
لقيت ف بعده غربتي وقاسيه احوالي
والعشره بينا ياليل والحب والتفاصيل
سابني و ساب ليا ذكري تهد الحيل
علي سيرته بصحي وانام ليه واقفه بعده الأيام
من يوم ما قالي سلام وانا مش بخير
