الفارق اللي جعل من جابه الجنّة
ياهو مسوي بقلبي شي من زينه
أدراه من هبة النسمات وأحنّه
وأموت واحيا عشان أكون بيدينه
ياما عطيته من إحساسي بلا منّه
تفداه روحي عسى روحي فدا عينه
أتنفسه حب واستشعره وأكنّه
ويجوب في صدري وكلي بكفينه
يالاه يالالاه يالالاه يالالالاه
ياهو مسوي بقلبي شي من زينه
ماخذني لقلب جعلي ما خلا منّه
وعساني أكون معه في باقي سنينه
أظن وظنوني اللي جت على ظنّه
يا لعنبوا ظن شاقتني مضامينه
أحب حبه وحبه صار لي كنّه
سحابةٍ قد روت روضة بساتينه
هذا حبيبي ولا أحدٍ عاضني عنّه
واللي ما عنده مثيله ربي يعينه
يالاه يالالاه يالالاه يالالالاه
ياهو مسوي بقلبي شي من زينه
