الامان سراج دربي لا سريت
وشمعتي لا جيت بيتي والاهل
وباكرٍ لاصبحت بظهر ما دريت
هل قفلت الباب ولا ما انقفل
الامان سراج دربي لا سريت
وشمعتي لا جيت بيتي والاهل
وباكرٍ لاصبحت بظهر ما دريت
هل قفلت الباب ولا ما انقفل
نعمةٍ ما عاشها كود البخيت
ومن سكن هالمملكة طفل وكهل
يا السعودي وانت من صنت وحميت
وانت من عمَّرتها سهل وجبل
بالأئمة والملوك اللي ارتضيت
دينهم والعدل في قول وفعل
من ثلاث قرون واحسب لو بغيت
كم ظهر فأرض الجزيرة من بطل
محمد بن سعود من فيه احتفيت
ومن سكن في قصر سلوى وارتحل
الامان سراج دربي لا سريت
وشمعتي لا جيت بيتي والاهل
وباكرٍ لاصبحت بظهر ما دريت
هل قفلت الباب ولا ما انقفل
وراع الأجرب وإلا اخو نوره نسيت
منهو نجم المشتري منهو زحل
شيخنا سلمان لو قلت وحكيت
هذا هو وصف الكثير من الأقل
وراع الأجرب وإلا اخو نوره نسيت
منهو نجم المشتري منهو زحل
شيخنا سلمان لو قلت وحكيت
هذا هو وصف الكثير من الأقل
العطا من بعض جودك لا عطيت
وانت نبراس العقيدة والمثل
ومحمدٍ يا محمدٍ مجدٍ وصيت
الاصل هو الفرع والفرع الأصل
يكفي انك خذتك أرضك واعتليت
قمةٍ تحلم بها كل الدول
رؤيتك لو هي قصيدة كل بيت
يستحق ديوان من فخر وغزل
يا السعودي وانت من صنت وحميت
وانت من عمَّرتها سهل وجبل
الامان سراج دربي لا سريت
وشمعتي لا جيت بيتي والاهل
وباكرٍ لاصبحت بظهر ما دريت
هل قفلت الباب ولا ما انقفل
الامان
