لخبطت حساباتي.. غيرتلي حياتي
تعالى بقى ماتستناش
صورتك مخايلاني.. مش غايبة عن عيني ثواني
تعالى بقى ماتستناش
وصّلْت أشواقي.. وكشفت أوراقي
حياتي هنا لازم تتعاش
قلبي خلاص سافر.. ده أنا حالتي تصعب ع الكافر
تعالى بقى ماتستناش
أيام.. أيام بتجيب أيام
لا أنا طايل أبقى معاك.. ولا قادر استناك
ضيعني حبك وأعمل إيه وياك
طب كلمة ع الماشي.. طب ضحكة وأنا ماشي
تعالى بقى ماتستناش
أعملها بجميلة.. ريحلي قلبي ولو ليلة
تعالى بقى ماتستناش
خلصها وانهيها.. وبلاش تسوق فيها
كفاية كده ماتستقواش
طمني قولهالي.. ولا انت عاجبك كده حالي..
تعالى بقى ماتستناش
أيام.. أيام بتجيب أيام
لا أنا طايل أبقى معاك.. ولا قادر استناك
ضيعني حبك وأعمل إيه وياك
