من سولف الليل عنك وجابلي طاري
سرّاني الشوق والمسرى هو المسرى
بعض القصايد بحبك تكشف أسراري
وبعض القصايد أداريها ولا تُدرى
ان قلت مشتاق يا صبري ويا ناري
الصبر مثل الجمر والنار لي حمرا
وانا بحبك أسابق خطوة أفكاري
وأسابق الخيل داحسها مع الغبرا
من سولف الليل عنك وجابلي طاري
سرّاني الشوق والمسرى هو المسرى
بعض القصايد بحبك تكشف أسراري
وبعض القصايد أداريها ولا تُدرى
تعال يا اوفى وفيٍ واسمع أخباري
بعض الاحاسيس لا تُكتب ولا تُقرى
جفني من الشوق طول الليل لك ساري
من أول الشمس لين أنيم القمرا
الشوق مثل الطفل ما هان مقداري
مهما على القلب يتجرى ويتجرى
غرامك اللي عزف حبك على أوتاري
تفداك روحي يا روحي وانت لي أدرى
من سولف الليل عنك وجابلي طاري
سرّاني الشوق والمسرى هو المسرى
بعض القصايد بحبك تكشف أسراري
وبعض القصايد أداريها ولا تُدرى
الله عطاني وحبك آخر اسفاري
كل جرح قربك من ايدين الغلا يبرى
لقيت بك عمر كان بعيد مداري
وعطيتك اللي املكت يمناي واليسرى
في روض قلبي وحبك أجمل أقداري
مع الهوى والنفس والدم والمجرى
يا اجمل غرام بلا بايع ولا شاري
تكرم عن البيع لكن بالغلا تشرى
من سولف الليل عنك وجابلي طاري
سرّاني الشوق والمسرى هو المسرى
بعض القصايد بحبك تكشف أسراري
وبعض القصايد أداريها ولا تُدرى
