كلمات مهرجان رجع القائد رجع الفائد عصام صاصا

كلمات مهرجان رجع القائد رجع الفائد عصام صاصا بالكلمات

أهلاً بيكو رجعت أرازيكو
آسف أساميكو مش بعرف أشوفها
لسّه ما متّش بس ما عشتش
ربع العيشة اللّي إنت عايشها

حسبة وإتأجّلت كذا مرّة
كان لازم إنّي أحسبها
أوّل ما جاتلي الوقعة
أنا كنت هتدمّر
كيمو الديب

رجع القائد رجع الفاقد
قلبك جامد زاول الأسد
عين بصّاصة إستلمت صاصا
لكن ربّنا مش على كيف أحد

شوفت الذلّ أكتر من الفلّ
وشوفت الغلّ في عين الكلّ
وأكيد ربّنا هيعوّضني
بس ساعتها أنا مش هحلّ

يلّا ده الجاي كلّه على الله
عشان إنتو ما لكوش ملّة
أنا شاب عمره ما جلى
أنا مش بخاف يابا

إسمي للمليارات إتقال
فكّك من اللّي إتقال
أنا رجعتي بزلزال
صاصا بطوله عصابة

الغلبان بسببكو إتهان
ما لقيتش مكان غير بين جدران
السلكان في السلّة يا مان
أيوة يا جدعان عينكم بسنان

وإنت رايح أخوك كان راجع
أنا منحرف مش صايع
مستقبلي كان ضايع
وفوقت متأخّر

لمّا وقعت ما حدّش سدّ
ببصّ لنفسي ضحكت بجدّ
قلت يا ريتني ما كنت حنين
الجدعنة آخرتها دي سدّ

قلبي ساعتها صرخ من القهرة
وكانت سهرة بجدّ طويلة
لمّا لقيتني في شدّة لوحدي
حسّيت إنّي قليل الحيلة

فينكو ما بقتش سامع عنكو
وأنا جوّة كنت حارقكو
ربّنا مش على كيفكو
مستحيل أتظلّم

بعد ما دماغي لعبت بيّا
وقالتلي لسّه شويّة
نزّلوا من اللّي عليّا
ربّنا كان عالم

حسّوا بقيمتي ساعة غيبتي
وحسّوا إنّ أنا من بعدي خلاص
غير الأوّل كنت بحسّ
إنّ أنا مش حاجة في عيون النّاس

الحمد لله ثابت نفسي
وسط عالم ما فيهاش إحساس
المحترم إتهان وإتفرم
اللّي بيتشاف طيّب يتداس

عيونها زرق ومش طبيعيّة
بتبصّلي في عينيّا
بتغيّر النفسيّة
بتخلّيني مبسوط

البت أمّورة دي الأستاذة
يا إخواتي ع الغمّازة
علشانك أنا هترازى
ولأجلك إنتي هموت

أنا مش مجرم أنا متعلّم
بس الشرّ إختارني معاه
وأنا في الخير ما لقيتش مساحة
والدنيا دي عايزة اللّي معاه

وأنا على باب الله يا إخواننا
وما ليش لا في كيف ولا إرشاد
بس أنا عايز أربّي عيالي
لأجل القرش سافرت بلاد

قلبي بنتي اللّي كعبها أحمر
في بطاقتها إسمي منوّر
دي مراتي وأنا مش هقدر
أحبّ بعديها

لو غبت 100 سنة تستنّاني
دي بتغامر علشاني
ليل ونهار فاكراني
أنا حتّة منها