كلمات قصيدة اعادة كشف رحمه وليد 2021
[ads1]
دكتوري النفسي اما سألني
اخباارك ايه ؟!
قلتلوا ادويتك ملهاش تأثير
لسه لوحدي ..
والدوا مابجبش لا لمه وناس
ولا صحبة واهل
ولا حتي برجع ناس غاايبين
بتعالج مين !!
دنا روحت لميت دكتور قبلك
كلكوا بتواسوا مبتعالجوش
وانا حتي ان كنت ملان أوجاع
في جرح ف قلبي مهتشفهوش
[ads1]
بشيل الهم من صغري
وبكتم جوه مني دموع
بقول الآه بصوت عالي
ف نفس الوقت مش مسموع
ببص لنفسي واضحكلي
واقول اهي فتره هتعدي
وفجأه ف وسط منا بضحك
بلاقي دموعي ع خدي
لا عمري فرحت زي الخلق من قلبي
ولا اتشعلقت ف الفرحه بروح الطفل
لسه بعيط ..
وبنازع لما بييجي الليل
ودماغي بقت عداد داير
مابقفش لثانيه من التفكير
الناس هي
ع حالهم ولا حد اتغير
انا كل اللي انا طالبه ي دكتور
رجعني ولو ثانيه صغير
اضحك للعالم ببراءه
مش ضحكة بكم من الأوجاع
دا انا عايش قلبي بيتمرجح
بين لقا ووداع
وملامحي بتكبر عن سني
قلبي بيعجز
ودموعي بتعند ف نزولها
ليه اول م بحب الحاجه
ابعد م عليا ان اطولها
ليه بيفارقوا ؟!
ليه مابيبقوش ؟!
ليه وقت فراقنا اما بنمشي
بفتكروا الحلو وما يحنوش
معقوله اهتميت ع الفاضي
ورصيدي من الحب بيخلص
معقوله الكاس اللي ماليتو
ابتدي ينقص
معقوله الناس كلها كذبه
كلها بدايااات ؟!
كلكوا بدايات .
وانا مش مستحمل اشوف تاني
او احب جديد
كل اللي انا عاوز اقولهولكم
ان انا بيكم او من غيركم
اصبحت وحيد
والحزن احتل جدار قلبي
سلم على روحي بجبروته
جمع مفاتيح الفرح وخيرها
ي حزنه ي موته
معقوله العيب فيا ي دكتور
قولي انا قصرت !!
قصرت ف ايه ؟!
ده انا كنت دايما بكتب الوحده
لا عمري مره ظهرتها ف دموع
ولا حتي قولت ل صاحب اسمعني
دايما بخبي دمعتي ف عيني
ولا عمري مره احتاجت احضانهم
دايما بموت مع نفسي بالأيام
واعمل وتد وانا ماشي قدامهم
كان نفسي اصالح نفسي مع نفسي
ملجأش ليك ولا حتي اخد دوا
[ads2]
شايف !!
انا بشكي ليك من همي دلوقتي
وانتا اللي نفسك تبكي والله
محدش فينا أصله طبيب
محدش فينا بيداوي
كل الهموم جوانا واحنا اللي بنداري
اسف خلاص
اسف خلاص لو كنت دمعتك
منا ياما سمعتك
دلوقتي جي تبكي
انا عارف ان احنا ف الدنيا جينا ضيوف
ومسيرنا نمشي وكل شيء رايح
امسح دموعك بس ومتبكيش
يمكن يكون بكرا
احسن من امبارح
