من ينصف المجروح من جور الايام
من يوقف بوجه الليال الطويله
ومن يجبر كسور الاماني والاحلام
ومن ياخذ بيد النفوس الاصيله
ومن يمسح بيده على روس الايتام
ومن ياخذ حقوق القلوب العليله
ومن حطم احساس المشاعر ومن نام
وخلا دموع العين تذرف هميله
الله حسيبه يوم ترفع الاقلام
وكلٍ يشوف اللي جنى وش حصيله
قدام يا من تظلم الخلق قدام
في ساعةٍ الكل تسمع عويله
ياخذ حقوق الخلق من كل ظلاّم
ويجازي الظالم بنار ومليله
سبحان من لا ناموا الخلق ما نام
يسمع لمن يدعيه ومن يلتجي له
الشكوى لله ماكتب ربي احلام
ومن لا نصف مجروح ما هو خليله
نامي على جرح الليالي والا قام
اقري عليه الحمد في كل ليله
