لو يرضى بس الليل
يطول ساعتين كمان
هحكيلك اللي عشته قبلك من زمان
وإزاي بِبان قلبي كانت متقفلة
وإزاي عيونك فتّحت كل البِبان
يا مسكني
ويا كل حاجة تخصني
يا اللي انت من غير الكلام
بلاقي قلبك حَسِّني
أيامي بوجودك هَنى
يا اللي بشاور ناحيتك
لو عايزه أقول كلمة أنا
ما انتَ أنا
مليون سؤال جوايا وعينيك إجابات
قلبك ونس لو حتى كل الكون سُكات
صوتك قصيدة شعر لو تتكلمه
وسكوتك انت يتحكي عنه حكايات
يا مسكني
ويا كل حاجة تخصني
يا اللي انت من غير الكلام
بلاقي قلبك حَسِّني
أيامي بوجودك هَنى
يا اللي بشاور ناحيتك
لو عايزه أقول كلمة أنا
ما انتَ أنا
يا مسكني
