وأدينا سهرنا يا قلبي
ما سيبناش فرصة لعيننا تنام
ولا باقي على بالي غير ذكرى
وكوم أوهام
بتاخدنا لنفس النقطة
لأكتر حتة ف روحنا ضلام
ومابقاش فينا حيل نتعذب زي زمان
مساكين يا سهرانين الليل
تايهين وتعبنا م التفكير
ساكتين وقلوبنا شايلة كلام
حكايات بنعيدها بالتفصيل
ليه نطفي النور ونقيد
كام جرح عنيد نفسنا ننساه
ليه خايف وراعبنا
من بكرة اللي ما عيشناه
ياما سيبنا روحنا وخوفنا حبسنا
وعيشنا الوهم معاه
ياما من تفكيرنا تعبنا
ونزلت دمعتنا معاه
مساكين يا سهرانين الليل
تايهين وتعبنا م التفكير
ساكتين وقلوبنا شايلة كلام
حكايات بنعيدها بالتفصيل
لوبس نعّدي الليلة
ونعرف نطلع منها سلام
لو قفّلنا على السيرة
لو أنام وانا مش زعلان
طب مين يلحقنا يا قلبي
في نص الليل ونفضفض ليه
يا جراحي مين صاحي
أحكيله أنا حاسس إيه
مساكين يا سهرانين الليل
تايهين وتعبنا م التفكير
ساكتين وقلوبنا شايلة كلام
حكايات بنعيدها بالتفصيل
