منضمّد وجعنا
ومنشدّ عكتف الحِمِل ونقوم
منضمّد وجعنا
ومنشدّ عكتف الحِمِل ونقوم
متل الرمح، متل البيارق
والبيارق عالية
متل العرايش من حِملها
من حِملها مايلة
متل الرمح، متل البيارق
والبيارق عالية
متل العرايش من حِملها
من حِملها مايلة
متل السما الما بتنرمى
ومتل البصر بعد العمى
ومنضمد وجعنا ومنقوم
عنا أسامي ناس
أرواحن بعالي سمانا نجوم
ومهما بيطول العتم
منشرق أمل مهما حجبنا غيوم
منعتّق جرار الوجع
عنب ودوالي كروم
منكتب حكايانا قصايد
والشعر بيدوم
عنا رضا بحكم القضاء
هوي قدر محتوم
ومنضمّد وجعنا ومنقوم
متل الرمح، متل البيارق
والبيارق عالية
متل العرايش من حِملها
من حِملها مايلة
متل السما الما بتنرمى
ومتل البصر بعد العمى
ومنضمد وجعنا ومنقوم
