مليت من كثر الجفا والتباعد
واقول ذا حظي وانته نصيبي
يا نجم شع النور في الليل صاعد
يا كم تخادعني ولا من مجيبي
ادميت في خل مدى الدهر جاعد
كل ما حسنت الظن يرجع يخيبي
لو تستمع للصدر م الحزن راعد
ودك بأن الصدق يصبح مريبي
[ads1]
اصبر عسى عقب الجفا والتباعد
يصير صدرك يا رفيقي رحيبي
كم واحد غيرك .. بذا الوضع قاعد
يجر مواله .. وكنه غريبي
دام الوفا باقي وخلك يواعد
يهون له كثر التعب والنحيبي
المشكله في اللي يغيب ويباعد
لا طاب لك قلبه ولا هو يطيبي
يا من يثيب الحال يا من يساعد
في واحد يبعد ولكن قيبي
دايم معه قلبي هبوط وتصاعد
كنه عدوي في الغرام وحبيبي
