[ads1]
مكتوب لي والا لغيري انا لك
وانته متى مااحتجتني قول واجيك
كذا كذا كلي بكلي حلالك
ولا معي اي حق ارفض امانيك
عينك تأشر بس وابشر بفالك
اجيك كلّي بين آمر و لبّيـك
معالي احساسك وحضرة جمالك
منّي رضا او غصب عني اموت فيك
[ads1]
قلبي ترك هالكون كلّه وجالك
وانا مسلّمني بنفسي لـ اياديك
ترحل تجي تحضر تغيب الغلا لك
يحرم عليّ آحب غيرك واجافيك
لاعاش قلبي ما يبي وصالك
وازعّل الدنيا اذا كان يرضيك
عايش عليك وكل همي دلالك
افرح لفرحك واحزن لحزن يآذيك
