غريب
مهما تمشي وتروحي بعيد
تفضلي موجودة في قلب البيت
يا حكاية عايشة مش بتروح
وطلة لسه فيها الروح
مهما تبعد عمرها ما تغيب
جميل
كل اللي اسمك فيه جميل
زيّك ده ما جاش وما فيش بديل
سحر الحياة فيكي بيبان
إزاي لسه بتملي المكان
كإن غيابك مستحيل
موجود
لسه مكانك بينا موجود
في كلام الناس والسيرة بتدوم
فوق في السحاب
فوق في السحاب وسط النجوم
موجود
لسه مكانك بينا موجود
في كلام الناس والسيرة بتدوم
فوق في السحاب
فوق في السحاب وسط النجوم
بشوف
صورتك لسه في كل الظروف
عمري ما حسيت جنبك بخوف
نفسي يا وقت تعدي الأيام
يا تاخدني ليها أرمي السلام
لو حتى ثانية اعمل معروف
حاولت
أعيش بعدك زي ما كنت آه
بس الحقيقة لقتني تهت
صعبة الحياة في بعدك كتير
وحشة الحاجات ناقصة وغير
وبحس إني مني ضعت
موجود
مكانك بينا موجود
في كلام الناس والسيرة بتدوم
فوق في السحاب
فوق في السحاب وسط النجوم
مجروح
خايف مسحوبة مني الروح
إزاي فجأة بيمشي الأمان
وإزاي بيظلم المكان
منين ههرب ولفين هروح
