أنا مش هتكرر في حياتك
أنا فرصة ما بتجيش غير مرة
في حياة واحد زي حالاتك
أنا حلم وأدي إنت صحيت منه
وخلاص قطر الأحلام فاتك
وخلاص قطر الأحلام فاتك
أنا مش هتعوض خد بالك
أنا أول حد وقف جنبك
أنا آخر حد إتبقالك
ما إنتش فارق بالنسبالي
بس أنا هفرق بالنسبالك
بس أنا هفرق بالنسبالك
إنسى خلاص، وأرجعلك ليه؟
مات فيا الإحساس وردمت عليه
جاي على أي أساس؟ فكرتني ليه؟ وعليا بإيه؟
ما بقاش في قلبي مكان لنص جرح كمان
وبدل ما تيجي تقولي نرجع
قول للزمان إرجع يا زمان
أنا صورتي هتفضل قدامك
مش هتبطل تبكي عليا
وتقول ولا يوم من أيامك
ما أنا كنت بعاملك بمقامي وإنت بتتعامل بمقامك
وإنت بتتعامل بمقامك
فاكر بالساهل هنسالك أيام كانت صعبة عليا
أو نفس الغلطة هعيدهالك
خليني في حالي أنا مش ناقص
وإنت الله يسهلك حالك
وإنت الله يسهلك حالك
إنسى خلاص، وأرجعلك ليه؟
مات فيا الإحساس وردمت عليه
جاي على أي أساس؟ فكرتني ليه؟ وعليا بإيه؟
ما بقاش في قلبي مكان لنص جرح كمان
وبدل ما تيجي تقولي نرجع
قول للزمان إرجع يا زمان
