أنا مثل البحر هادي
وأنا مثل البحر لا هاج
وأنا بأدنى جزر طبعي
أرد بمدي العالي
وأنا مثل المزن عالي
وإلى منه نزل ثجّاج
إذا ما هلّت امطاري
تفيّا الناس بظلالي
كريم بكل حالاتي
بخير أضحك وأفل حجاج
أمد الطيب من قلبي
وبالمردود ما ابالي
أحب الناس لكني
لغير الله ما أحتاج
عيوني للسما وارسم
على الآفاق آمالي
أنا مثل البحر هادي
وأنا مثل البحر لا هاج
وأنا بأدنى جزر طبعي
أرد بمدي العالي
علاقاتي وفق مبدأ
واحاسيسي على منهاج
محال اذل من عزني
واعز اللي يبي إذلالي
من يقدّر شعوري له
على راسي أحطه تاج
ومن لا قدّر شعوري
حرام يمر في بالي
نعم صدري وسيع وما
بنيت من الغرور سياج
وخالق من يبي فراقي
خلق لي من يبي وصالي
أنا الفنان والقصه
وأنا المشهد وأنا الإخراج
وكلامي مابي أقوله
إذا ما شابه أفعالي
أنا مثل البحر هادي
وأنا مثل البحر لا هاج
وأنا بأدنى جزر طبعي
أرد بمدي العالي
