إزيك
أنا واحد لف الدنيا بحالها
ومالقاش زيك
مامسكتش فيكي أنا ليه
أنا ليه معملتش زيك
خسرت رهان الوقت
بدأت أفوق دلوقت
ونفسي تكوني سمعاني
وحشاني
أنا عِشت سنين
على أمل إني هاقابلِك من تاني
عارفه إن البعُد أكتر ما أذاكي بجد أذاني
مليت الناس وزهقت
في بحر الحزن غرقت
ونفسي تكوني مسامحاني
ماليش غيرِك
بقولهالك وأعيدهالِك
ماليش غيرك
ومش دنيا دي من غيرك ماهيش دنيا
قوليلي إزاي أكمِلها
حقيقي تعبت من غيرك
أشهدلك
كل الحلو اللي عملتيه معايا بجد قاعدلك
آسف لو كنت بعيد وبزيد فيه عشان أكدلِك
إن أنا ندمان دلوقت
ندمان ع الوقت
اللي أنا قضيته وحداني
ماليش غيرِك
بقولهالك وأعيدهالِك
ماليش غيرك
ومش دنيا دي من غيرك ماهيش دنيا
قوليلي إزاي أكمِلها
ده أنا من غُلبي بشكيلك
