كنت عارف قبل ما امشي إني سايبك للوجع
والأكيد هتقولي عني .. إني ماطلعتش جدع
بس لو فكرتي فيها
هتلاقيها لمصلحتنا
في حاجات سكتها صعبة
بس هتودي لراحتنا
بيننا وعد عليه بدأنا .. كنت ناوي اكمله
بالخلاف ضاع اتفاقنا .. والقلوب اتبدلوا
يعني لو كملنا تاني
نبقي هانضيع حياتنا
في حاجات سكتها صعبة
بس هاتودي لراحتنا
اللي عايزك تعرفيه وتصدقيني
اني زيك في الوجع أو يمكن أكتر
بكره لما تفوقي مني هاتشكريني
في حاجات نهايتها مكسب مهما نخسر
المهم أنا وانتي نمشي
واحنا راضيين بخسارتنا
في حاجات سكتها صعبة
بس هاتودي لراحتنا
