لما جيت أنا ليه سكتو
واتخطفتو واتاخدتو
واتكسفتو وخفتو مني
واتداريتو
وقت ضعفي عشان قدرتو
ليه بوجعي زمان تاجرتو
عشتوا تأذوا فيا وعليا افتريتو آه
ربنا لوحده اللي عالم
قد إيه الواحد مسالم
ماشي جنب الحيط
وكان دايمًا في حاله
لو على اللي أنا شفته منكو
انتو أطيب حد بينكو
لو في أوسكار للأذية أنا هديهاله
ضيّعتوني أنا منكو وضعتو
وبكام بعتوني وقت ما بعتو
أهو لا انتو نفعتوا وأنا غايبة
ولا وأنا موجودة انتو انفعتو
يا اللي على وجعي اتفقتوا
وجعي خف وعدّى وقته
ألف حمد وشكر لله جت سليمة
تعرفوا أما بشوف صوركو
ولا لما أنا بفتكركو
تبقوا نقطة سودا في دفاتري القديمة
آه، ربنا لوحده اللي عالم
قد إيه الواحد مسالم
ماشي جنب الحيط
وكان دايمًا في حاله
لو على اللي أنا شفته منكو
انتو أطيب حد بينكو
لو في أوسكار للأذية أنا هديهاله
ضيّعتوني أنا منكو وضعتو
وبكام بعتوني وقت ما بعتو
أهو لا انتو نفعتوا وأنا غايبة
ولا وأنا موجودة انتو انفعتو
