انا مع نجوم الوله حراس
وقلبي بطريق البعد يهذابك
في عتم هجرك محتري نبراس
ماشفت ضي الوصل قد جابك
كلما يعانق خلوة الهوجاس
اقول طاري الليل هلابك
صعب العمر دونك بليا انفاس
في صدر عاشق ويتغنابك
تعزف على باب الحنين اجراس
مشاعري تاقف على بابك
مريتني بين الرجا والياس
والقلب يهمس بالخفا عتابك
ورى زوايا الروح لك مجلاس
شوقي على لاماك يشقابك
لا ياعذاب الحب والإحساس
وين ابتدي والعمر اقفابك
