عجيب طبعك ومش مفهوم
تلوم وانت عليك اللوم
وتدعي كمان علي المظلوم
وجاي تقولي نتعاتب
اعاتب ليه وايه الفايدة
مشاعري من الوجع شايلة
ونار البُعد لو قايدة
فقلبي من العذاب شارب
لف ودور وبراحتك خالص
طلعني أنا معرفتش احب
بس ياريت والنبي وبناقص
وانت بتحكي تبطل كدب
اتخطيت فكرة نسيانك
واتعلمت ازاي استقوى
وبقيت أقوى أكيد في غيابك
واتعودت كمان ع القسوة
مين غلطان ومين خسران
ومين سهران وليله طويل
ومين في البُعد بقى ندمان
ومين اختار لنفسه بديل
ما تيجي نبدل الأدوار
جايز تفهم وصلت لايه
مفيش بعد الفُراق اعذار
ولا دا اللي اتفقنا عليه
لف ودور وبراحتك خالص
طلعني أنا معرفتش احب
بس ياريت والنبي وبناقص
وانت بتحكي تبطل كدب
اتخطيت فكرة نسيانك
واتعلمت ازاي استقوى
وبقيت أقوى أكيد في غيابك
واتعودت كمان ع القسوة
