لسه فاكر كل كلمة حب قولناها زمان لسه شايفك بتناديني وانتي في عنيكي الحنان لسه صوتك جوه مني لسه ريحتك جوه حضني حتى تنهيدك حبيبتي.. وانتي حاسه بالامان فين وعودنا لو زعلنا ماكان خصامنا في يوم يبات كنتي جوه في حضني تهدي مهما كان بينا خلافات كل همي كان حياتنا حلمي بس نكون في بيتنا كل ذكرى عيشتنا جالها وقت وموتتنا فاكره لما الدنيا تاخدك كنت باجي وبحضنك وقت ضعفك كنت دايماً ضهر ليكي وبسندك كنا نسهر بالساعات كان مابينا في حكايات كل حلم لقيته مات.. والفراق بقى يبعدك لسه شايفك في الشوارع اللي ياما مشينا فيها كل حاجه لسه باقيه الا روحك مش لاقيها ذكرياتنا بتطاردني كل ذكرى دمرتني والليالي غلِّبتني.. اعمل ايه يوصلني ليها
