لحظة إدراك
إن مافيش ولا حد معاك
وإن الناس كلها ناسياك
وإن ما حدش حاسس بيك
وإن الأيام مش فل
ومش على ما يرام
وإن ما فيش ولا أي كلام
يوصف اللي شوفته بعينيك
من جوايا بتألم
بسكت وأرفض إني اتكلم
بس الحزن في قلبي معلم
طب أستسلم ولا ايه؟
قدام بأخد خطوة
في ثانية أرجع ورا مليون خطوة
وتايهة مش برسى على محطة
بعمل خطة بتبوظ ليه؟
مليان أوجاع
أنا إنسان حرفياً ضاع
أنا بيدور جوايا صراع
واقف على تكة وبنهار
وأهرب أروح فين؟
من حزني ومن دمع العين
وأجيب صبر أنا تاني منين؟
أنا بتعذب جوايا نار
ضحكوا علينا قالوا سهلة
وقالوا بكرة كده هيكون أحلى
وقالوا الكنز في أخر الرحلة
وأخر الرحلة وجع وجراح
الطاقة واحد في المية
والدنيا مكملة عليا
وكل شئ باهت حواليا
مش بتأقلم مش برتاح
