اني الردت نتفارگ
وكلمن يروح لحالة
عفتة وبعد ماريدة
والياخذة هنيالة
ليضل يدز سوالف
وياخذ صور لدموعة
للموت اني وهو اخبارنا مگطوعة
لا يرجع يحجة تعب
اني عليه ما انقهر
شگد ردت منه ينعدل
ولا انعدل حظي الفگر
وحي بعد متريدة
والگلب هيج احلاله
العايف حياته ورايح
لحظات ما ابقالة
!!!!!!!!!!!!!!
ماريد انزل روحي
احد مستوى تفكيرة
مايفتهم شي هذا
وعقليته حيل صغيرة
ليسوي روحه ميت
وعايش حزين بشوگة
وليخاف من بعدي اله
خيخاف ربه الفوگة
هو الجبرني عالهجر
من بده بكلشي يبالغ
مصدگ كلامه بس طلع
واحد كلامة فارغ
نفس الي سواه بية
ونفس البچي اتمنالة
الضيع حياتي بحبه
لحظات ما ابقالة
