لا تواعدني بتبقى ثم عن عيني تغيب
غيبتك توجع عساني من وجودك ماخلا
الغياب اللي بدون أسباب أو غلطة حبيب
مايعوضني عن اوجاعه بهالدنيا ملا
ليتني مخطي أو اني كنت بشعوري غريب
المصيبه اني انصفتك ومعطيك الولا
كل احاسيسي تجاهك عمرها ماهي تخيب
كلها من باب حب وباب توثيق الغلا
لا تواعدني بتبقى ثم عن عيني تغيب
غيبتك توجع عساني من وجودك ماخلا
وليلةٍ ماهي لطاري حضرتك دايم تجيب
جعلها ما تكتمل والبال جعله ماسلا
غبت دون أسباب والفرقا سبايبها نحيب
أجهشت عيني وحالي تولاه البلا
لي متى وغيابك أسبابه مقادير النصيب
كنك انت وفعلك لضيقات هالصدر وكلا
ما يطيب الغياب اللي بدون اسباب
جرحه ما يطيب
وانت ماخذ هالغياب اللي بلا سبه حلا
لا تواعدني بتبقى ثم عن عيني تغيب
غيبتك توجع عساني من وجودك ما خلا
