كنت بغني بقول يا حديد
واخد اخواتنا بعيد
فجأه لقيت نفسي ابعد منهم
داخل سجن شديد
واطلع للملكيه واقول للميري
رافض تمام
واعمل شغل مروحين
عنبر عنابير وسلام
قلت اتعامل باللي بشوفه
اصلي شوفت كتير
قلت يا شدة شدي كمان
واديني درس كبير
علشان لما اتعامل
بدروسك نشوف التغيير
واوعدك ان انا هطلع منك
بشهادة تقدير
أنا كنت صافي النية
ليه بدأتو بالمرازيه
بس جميلكو عليا هردو
والغلطه قصادها 100
ماهو بُعدي كان كبير
في سنين عدت عليا
بس حاسبها من أولها
كل القصه ديا
تغلط واسيبك وبرده عيبك
انك عامل فيها بيه
تغلط معايا وبقول كفايه
عارف تمامك ايه
أنا كنت هادي وقلت عادي
مش لازم ادوس عليه
شكلي اهم عندي
من اني اتساوى بيه
عايش لحالي شاري بالي
ماضي اسمي غياب
بس لقيت النكش
جايلي لحد عند الباب
فتحت بابي قلتلو يلا
عمل انسحاب
بس البيوت ليها حورمه
ومش رجوله انه يتساب
فجأه اتغدر بيا
قومت دخلت في دنيا ثانيه
دنيا تشيب شعرك
وانت لسه في الطفوليه
طلعت محكمه شفت امي بتعيط ليا
ما عملتش حاجه
بس برده اتحكم عليا
بس سيادتك عيب
ده جاي بنفسه لحد بيتي
هي البيوت ليها حورمه
ولا بقت قديمه تربيتي
قوللي انت اتربيت على ايه
عشان اعرف غلطتي
لا اتسمع كلامي ولا المحامي
ونطق بمحاكمتي
اول ما الحكم بيتقال
شوف مين هيبقى معاك
كله بيبقى فاكر
ان اخرتك هناك
بس يا اخويا يا اللي سألت
يحرم عليا انساك
انت في قلبي والله اني
روحي فداك
سني صغير شكلي اتغير
كبرت كتير حرام
امتى هقول عالجرايا
عيش واقول عالدوره حمام
واطلع للملكيه واقول للميري
رافض تمام
واعمل شغل مروحين
عنبر عنابير وسلام
بس حتى وانا في الضيقه
برده ما كانش عاجب
زقوا عليا ناس كتير
عشان اقع وبحارب
وكل ست شهور بتخطر
حكم النفس غالب
غيروني اجبروني
اني ابقى مشاغب
قاعد بتشاكل وبشاكل
وبقيت اشيل وبشيل
ما بقتش بقى ع الدنيا
لو هيطلعوني قتيل
ماهو من الضغط عليا كتير
يستحملوا التحويل
واتحولت خلاص واوعدكم
هتشوفوا مني الويل
ولا كاميرات ولا بصمات
فارقه معايا انا مش هتلم
ما انا اتظلمت معاكم
هعيش ادورها ظلم بظلم
اني افتكر دمعه امي
عايزني اعمل ايه يا عم
ولا افتكر عمري يضيع
دي مش هتخلص دم
كنت بغني بقول يا حديد
واخد اخواتنا بعيد
فجأه لقيت نفسي ابعد منهم
داخل سجن شديد
قاعد افكر في الحكم
اللي انا واخده وحزني يزيد
ببص لقيتني وسط ناس
كلها واخدين تأبيد
كل دي احكام تتوزع
كده على اي اساس
ضاع ياما عمر شباب رجاله
للدرجه مافيش احساس
الزنزانة مليانه ألوفات
ارحمنا تعبنا خلاص
صرخة ام قصاد محكمة
بتهز قلوب الناس
