Hamo Elgalad
It’s Different
عشت عصفور كلوني
عملت اسد صاحبوني
بقوا كلهم بيحبوني
ويعملوا لي حساب
بعد ما كنتش في الحسبان
كان قلبي طيب على ناسه
راحوا جم عليه وعدوا وداسوا
ايه اللي يشيلهم على راسه
بيحاسبوه على الطيبة بإعدام
اذا غاب ما بينا يابا التقوى
يبقى البقاء بقى للأقوى
أنا مش هميز حد في عيني
كلها في عينيا ولا تسوى
جدعنتي خسارة عليا
مع ناس مش حاسين بيا
هوفّر جدعنتي لنفسي
وكفاية اللي حصل فيا
ما خسرتكموش بس المواقف غربلتكم
ساعة الشدة ما لقيتش أنا افعال كلامكم
ياما قلتوا اخوكم واللي ليكم وحته منكم
مع اول وقعة ليا لقيتكم يابا اتبخرتوا
وانا ياما اكلت كلام
خلاص أنا عايز اكل افعال
في زمنا كتروا الكدابين
وتوغلوا الأندال
عايش يا دنيا يمين
لكن واقع مع ناس شمال
توب الرجولة مش حلو عليك
بدله باسدال
عشت عصفور كلوني
عملت أسد صاحبوني
بقوا كلهم بيحبوني
ويعظموا ويدوني التمام
كان قلبي طيب على ناسه
راحوا جم عليه وعدوا وداسوا
اللي يشيلهم على راسه
بيحاسبوه على الطيبة بإعدام
عشت عصفور كلوني
عملت أسد صاحبوني
هوريكوا انكم ببلاش
بس دوركم لسه ما جاش
قلبي اللي زرعتوا فيه القسوة
لازم تحصدوها يا أوباش
كله يجهز نفسه لأني
ما بقيتش حاسب حد مني
أنا خلاص هبقى لوحدي
أحسن ما ابقى مع ناس بتغفلني
محدش بيطمر فيه حاجة بأمانة
كله بينسى وكله فيه طبع الخيانة
حتى اللي مني قايل عليا
وما صانش حاجة
الناس خلاص بقت حاسبة الطيبة سذاجة
ولا حد صان ده الكل خان ونكر جميلي
عايزني اقع واخسر عايزين يهدو حيلي
شايل شيلتي وواقف جبل وعم جيلي
وكاسر عينيكم والنجاح زميلي
عشت عصفور أكلوني
عملت أسد صاحبوني
اهو كلهم بيحبوني
ويعظموا ويدوني تمام
كان قلبي طيب على ناسه
راحوا جم عليه وعدوا وداسوا
اللي يشيلهم على راسه
بيحاسبوه على الطيبة باعدام
