كلمتين مالهومش تالت
لما جيتي الرؤية بانت
قلبي من يومها في حالِة
حب انتي مسبباه
أصله معجب باختلافك
قال لا يمكن اعوز خلافك
قلبي من لحظة ما شافك
حب تفاصيل الحياة
الجمال عدّى بزيادة
الحنان بان كل مادا
واخدة في التثبيت إجادة
دوبت أنا بدون أدنى شك
جاية بعد سنين معافرة
تخترع في حياتي طفرة
قلبي كان مقفول بشفرة
و اما شافك انتي فك
ياللي شقلبتيلي حالي
جاوبي من فضلك سؤالي
هو حبك شيء خيالي
خطف قلبي وفي يومين
اعذريني انا مش بأڤور
ربنا أبدع فصور
ده انتي في وجودك بدور
قلبي ضايع مني فين
