ليه كل ما انسى تقربوه
سيبوني مره وكلموه
هتلاقوا غيري دخل حياته
ساعتها بس هتعرفوه
مايهمنيش أخباره إيه
وياريت كفايه كلام عليه
انسوا إنه كان في يوم معايا
دلوقتي أنا بتخطى فيه
وكده كفايه
وسيب فيا بقايا تعيش
أموت أحسن وماتشوفنيش
كفايه إهانه في كرامتي
كفايه إنك مابتصونيش
ياخي كفايه
كرهت الحب كله معاك
شيطان إنت في وش ملاك
وجودك قل من قيمتي
دانا أدفع عمري بس أنساك
هو اللي سابني أفتكره ليه
مش هقدر أتحايل عليه
أنا كنت ماسكه بجد فيه
بس القرار كان بُعده عني
الحب روح تسند في روح
مش روح تسيب فجأه وتروح
وأنا قلبي إستكفى الجروح
مظلمتهوش هو اللي باعني
وكده كفايه
وسيب فيا بقايا تعيش
أموت أحسن وماتشوفنيش
كفايه إهانه في كرامتي
كفايه إنك مابتصونيش
ياخي كفايه
كرهت الحب كله معاك
شيطان إنت في وش ملاك
وجودك قل من قيمتي
دانا أدفع عمري بس أنساك
