رماني حظي بيدينك
بعد ما قلت انا وينك
تعبني هالسؤال وصعب
ألاقي نفسي بعينك
ترى عينك هي الملجئ
هي المأمن هي المهرب
تناظرني وأناظرها
واحس اني لها الاقرب
يضيع الحزن في لحظة
اعيش بظلها وياك
ويجيني الفرح متسرع
من عيونك وعطر شفاك
أنا النسمة الاقيها من محياك
واحس ان نسمتك روحي
تمر وتشفي جروحي
وايش لي به جسد لولاك
كبير الحب في صدري
اعيشه كل يوم وياك
واعيشه كل يوم اكثر
واعيش لخاطرك ورضاك
انا لو جيت لك بشرح
شعوري كل يوم افرح
وحتى في غيابك صرت
اناظر صورتك واسرح!!
