هو ليه الحب اذانا
ليه مكنش جدع معانا
جوا بحر الشوق رمانا وهدنا
حب جاحد بكّى عيني
خلاني أكره سنيني
ليه يا ذكرى تعذبيني ومتعبة
النصيب شاور عليا
جه وحط الجرح فيا
هيا ليه مبقيتش ليا بحبها
كلموني عن عينيها
اصل بلقى نفسي فيها
مهما تبعد مش ناسيها عشقتها
ياللي قولت الحب راحه
انت كده كداب بصراحة
شوفت ناس ياما مش مرتاحة
وقالو عنو عذاب
ايوة ظلمهم
بعد ماحبو جه فرقهم
كانو في حالهم هو سرقهم
اه والله عذاب
لسه فاكر كل ذكرى
واتفقنا اشوفها بكرة
والضفاير والفوينكه وضحكها
يعني ايه الحب يكسر
يطفي حد كان منوَّر
١٠٠ سوال عمال ادور على حلها
جنب مني ناس كتيرة
بس كأنك الاخيرة
قلبي يسأل كل ليله هيا فين
لما احس ان انتي شايفة
أو بحالي وحالتي عارفة
القى نفسي برتاح وبهدا
ويغمضلي عين
غصب عني
حاسس روحي بتطلع مني
عمري ماجه على بالي تسيبني
وتبقا ويا غيري
مش هنساها
لسه فاكرها وبتمناها
أنا رتبت حياتي معاها
امتى بقا هتجيلي
قالو مهر وقالو شبكة
قالو قايمة وقالو دبلة
افهمو الحب امتى كان فلوس
اختارو بقا حد شاري
اصل وعد الحب باقي
شوفو مين عليكو باقي متستعجلوش
لسه فاكر الحكاية
زي ما تكوني معايا
مجاش في بالي ان النهاية في بعدنا
كان علينا لايق هزارنا
والكلام في الفون سهرنا
ده احنا الاتنين خسرنا بعضنا
نفسي اشوفك
امسك ايدك واسمع صوتك
تنطقي اسمي كمان بحروفك
ده انتي وحشاني موت
هو نصيبي
اتحرم منك وتغيبي
حلم عمري انا ضاع من ايدي
وهو ده المكتوب
