مخوفتش يوم ولا اترددت
أسيبك أصل أنا اتأكدت
قرار البعد هو الصح
واديني ارتحت لما بعدت
هأنب نفسي وأزعل ليه
وجودك جمبي فادني بإيه
مخدتش منك إلا الجرح
فراقك وضع هقبل بيه
خساره عليك تضيع ثانية
ومش هديك فُرَص تانية
خلاص أنا ماشيه مش راجعة
وحقي هسيبه للدنيا
من الوجع اللي جوايا
دعيت أنا فيك أشوف آيه
تبرد ناري ويا ظالم
متستهونش بدعايا
سنين وياك بشيل الهم
أخيرا جرحي منك لم
وهمشي خلاص متلزمنيش
وعندي حاجات كتيره أهم
صغرت في عيني متكملش
ياريت تبعد ومتطولش
هتعمل فيها مجني عليك
حقيقتك باينه ما تمثلش
خساره عليك تضيع ثانية
ومش هديك فُرَص تانية
خلاص أنا ماشيه مش راجعة
وحقي هسيبه للدنيا
من الوجع اللي جوايا
دعيت أنا فيك أشوف آيه
تبرد ناري ويا ظالم
متستهونش بدعايا
