ياما وياما عدوا سنين وأنا مانستكيش
على حس اللي ما بينا بعيش
دايره تدوّر عيني عليكي مابتشوفكيش
ياما وياما وأنا بحلم يجمعنا ميعاد
البُعد بيتفاتله بلاد
وبحاول اتلهي مع ناس في حياتي جداد
مش عارف أروق من الحيرة ونار الشوق
ضليت وعانيت من الوحدة بقيت مخنوق
١٠٠ ألف سؤال شاغليين على طول البال
طب إيه هيتقال ده الحال ده يهد جبال
فين حكاوينا وحشاني الأيام بصحيح
لازم أكون مع نفسي صريح
بقى معقول مكتوب أتعد من المجاريح
فين أغانينا وهزارنا وأفراحنا زمان
لصورنا تغيب هي كمان
أنا بعدك لا أنا جامد ولا حاسس بأمان
مش عارف أروق من الحيرة ونار الشوق
ضليت وعانيت من الوحدة بقيت مخنوق
١٠٠ ألف سؤال شاغليين على طول البال
طب إيه هيتقال ده الحال ده يهد جبال
