اللي في قلوبكم بان في الهزار
ووشوشكو بان عليها الصفار
ببكي في اوضتي لوحدي منهار
تتمنو ليه ترموني في النار
خافو نار جهنم اللي هتولع فيكوا
علشان شيطانكم اللي متسلط عليكم
أنا الغلبان اللي قسيتو عليه زمان
دلوقتي راجع علشان ارازيكوا
شوفت الخداع والكل باع
ولا حد يوم صاني
ملقتش حضن يسع علشان
ارمي فيه همي
بحر اوجاع الحياه كنت فيه مرمي
مليون وداع على اللي ضاع
على اللي يوم سابني
فكرني مخنوق في بعدكم عني
لا دا انا مبسوط وبرقص واغني
انا كنت بموت قولتوا دا متهني
شوفتوني مقتول وسيبتو اللي قتلني
انا وحش الكون
وماشي بدعوة امي
كداب اللي قال
انه في يوم شالني
انا كنت مكبوت
ومشوفتش اللي مني
انا همشي بعيد
وهتسمعوا عني
حبيتوا في اللي عمل مزاد
وباعكوا اول دور
وكسر غروركو ونفسنتكم
كشف المستور
ماهو دين تُدان والدايره لفه
وانا هبقا شوكه في الزور
بدأ الحساب وكل واحد
فيكو يقطع دور
قلبي اتوجع مبقتش عارف
بس مين مع مين
شوفت الوشوش متلونه
مرصوصه في الفتارين
عملت خير اترد شر
يا ريتني كنت مشيت
ربي اللي عالم اللي بيا
علشانهم انا ضحيت
سهلتو بس القسوه ليه
راحت فين الطيبه
الغل ساب في عقولكو
ليه استحليتوا العيبه
لو كنت انا الغلطان في يوم
ماتيجو صارحوني
سهل الخصام بس اللي صعب
تعشقوا العيبه
سلام سلام الكره بان
والغل بقا موضه
والطيبه ماتت من جحودكو
وقلبوكم السودا
ما بين ضلوعكم الشر
والقسوة دي موجوده
دا انتو في صفاركم يتعمل
مية الف حدوته
