بإرادتي هربت منك
ونصيبي طلبته خدته
فضّلت حاجات عليك
والحب الأبوي سيبته
واللي رفضته بتمرد
بعديها عرفت قيمته
فترة صعبة نفسي تعبت
ناس كتيرة عني بعدت
والتعالب لما دخلت
بوظت كل الكروم
وسط كل دا شافني نافع
مش سايبني بل متابع
كنت متكسر وواقع
مد ايده وقالي قوم
بعد اللي عملته قولت
ابني ويرجع ويورث
من الكسفة اقف بعيد
وانت تدخلني خورس
الناس بتشوفني شاول
أما انت شايفني بولس
رد صورتي لأصله هو
بدّل الضعفات بقوة
طيّب الجرح اللي جوة
اللي مش متشاف لحد
بص ع المتداري كله
اللي في الاعماق وصله
خدني جنبه تحت ضله
وقالي أنا معاك للأبد
