الوقت ده وقتي وزماني
ورايا اخوات وشعب بجد
ما انا البطل
عوده بعد شده
قلب وسيط وعده
الاسد رجع لمكانه
كل الصعب عدى
اللي فات رميته
نجم رجع لصيته
ومادام شفتوني يبقى خلاص
انتوا كده انتهيتوا
رامي قلبي مش خايف
وحش على التراب واقف
عيني مفتحه وشايف
كل الخاينين
سابق زمني بمراحل
اسمي اتهزو له فطاحل
قلبي في جسمي عاش راجل
عارفين أنا مين
شاب زمانه خانه
كلو خطف مكانه
بس خلاص بقى زي الديب
ماشي سانن سنانه
حالف اني اجرح
اللي كارهيني افرح
وبقول ماهي كده رايحه وجايه
صح الدنيا مسرح
صح في دنيتي اتبهدلت
بس اصبرت واتحملت
وقعت سندت نفسي وقمت
زي الجبل
مهما حصلي مش بتهد
اخوك يا زميلي شارع سد
ورايا اخوات وشعب بجد
ما انا البطل
كاري مش نفس كارهم
حاربوني بسفارهم
شعلة الغيره ولعت
شفت بعيني وقلبي نارهم
بس شافوني فاقد
عرفوا اني جاحد
فهموا اني في جيشهم
مش هعيش إلا قائد
ليه بتقولوا أنا آسف
قولوا المُر كان كاسي
لما اتخنت من ناسي
بجد زعلت
وفجأه الشدة شدتني
وكانت قاسية قستني
عشان الدنيا قتلتني
أنا اتغيرّت
بقيت واحد بترجم
الكلام وبفهم
بتعامل بنفس المعامله
بس مع اللي يفهم
اللي مش تمام
خساره فيه الكلام
ده اللي تعلمته في شدتي
وده درس الحكام
عيش برجوله في كلامك
بلاش تعيش باجرامك
عشان تعدي أيامك
فوق يا ابني
ما ياما شفنا منحرفين
ودلوقتي بقوا مساجين
طريق الشر اخره كمين
ما تفهمنيش
يا اللي عوج لي بقك
نصيحتي ليك هقول لك
يا ابني الصيعه بالادب
مش باللي احنا شفناه منك
عيش بالجدعنه
مش بالمسجنه
الراجل اللي بيعمل
عمره ما قال انا وانا
الوقت ده وقتي وزماني
رجعت ليكو في مكاني
وعد مش هغيب تاني
وكده تمام
ساعات الحزن منسيه
وايام الفرح جايه
الدنيا حني لي شويه
كفاية آلام
