لا مش عايزين دراما.. فكك مازعلنا ياما
اضحك وبلاش رخامه.. مش ناقصه عكننه
مش كيميا ياعم هيا.. يلا نفرفش شويه
نسمع مزيكا حلوه.. ونروق على نفسنا
….
ارقص علّي المزاج.. الانبساط هو العلاج
وارمي اللي فات وراك خليك بحبوح كده
فوّق بقى للكلام.. ومتديش حاجه اهتمام
وافصل بقى م الكئابه والجو ده
….
بالزمه مش خساره.. كل الحلاوة ديا
في التكشير والمشاكل.. والتفكير كل يوم
ده انت تأشر يا باشا.. واحنا ننفذ اوامر
على ايه توجع دماغك.. انسى اللي فات وقوم
