وحياة القلب اللي اتكسَّر
وفي حبك شاف الويل
وحياة العين اللي بتسهر
علشانك طول الليل
وحياة الحب اللي رميته
والبكا ده اللي لوحدي بكيته
أنا مش هنسى
شاهدة ليالي البعد
وعدد المناديل في بُكاه
أنا صاحبة جرح ما بيخفش
والوجع اللي يزيد ما يقلش
أنا واحدة بقت جواها حاجات
مهما بيحصل ما بتتحلش
أنا حد على إيديك اتعقّد
فقد الثقة في الناس واتعود
يبقى لوحده ولو ضاقت بيه
يسهر كده مع نفسه يعيّط
وحياة القلب اللي اتكسَّر
وفي حبك شاف الويل
أنا قلبي في حبك جاب آخره
كان بيطلَّع في الروح
والصبر معاك بقى في أواخره
ومعنديش طاقة ولا روح
مش ناسية جراحك وعذابها
والله فاكراها بمواعيدها
أصلي ما بنساش
أيام كانت صعبة
ما ينفعش في يوم تتعاش
أنا صاحبة جرح ما بيخفش
والوجع اللي يزيد ما يقلش
أنا واحدة بقت جواها حاجات
مهما بيحصل ما بتتحلش
أنا حد على إيديك اتعقّد
فقد الثقة في الناس واتعود
يبقى لوحده ولو ضاقت بيه
يسهر كده مع نفسه يعيّط
وحياة القلب اللي اتكسَّر
وفي حبك شاف الويل
