عارف لما تكون بتقاوح في الايام
لانت بترجع ولا حتى بتطلع قدام
متعلق في الماضي وفكام ذكرى قُدام
عارف لما تحس بخنقة وحمل تقيل
شايل شيلة لوحدك فيها وتعبان شيل
تضحك وسط الناس الصبح تموت بالليل
راسملي ضحكة لناس تشوفك
مداري جرحك مداري خوفك
بيمشي يومك حسب ظروفك
عايش وخلاص
تعبت جدا ودي الحقيقة
حاولت لكن مفيش طريقة
تحس راحة ولو لدقيقة زي الناس
عارف لما الدنيا تعاند دايما فيك
نفسك تيجي معاك تلاقيها جاية عليك
بين الناس وماحدش فيهم حاسس بيك
سايب نفسك ويا الموجة لفين واخداك
تاعب روحك حتى جروحك تعبو معاك
قاتل نفسك وانت المجني عليه جواك
راسملي ضحكة لناس تشوفك
مداري جرحك مداري خوفك
بيمشي يومك حسب ظروفك
عايش وخلاص
تعبت جدا ودي الحقيقة
حاولت لكن مفيش طريقة
تحس براحة ولو لدقيقة زي الناس
