طربان طربان خلوني على حلي
لحدٍ يكدر صفا الخاطر بإزعاجه
أطرب على شوفة اللي مالكٍ كلي
لا شد غمازتينه واطلق حجاجه
احتاج لي آتوارى حتى من ظلي
معاه لامن حضر ماعادلي حاجة
عز الله ان العقل من عقبه مولي
هذا اختياري وصك القلب مزلاجه
عساني امسك بكفينه ويا عَلِّي
اضم صدره ويلقي فيني علاجه
مابين كتفه وعنقه ذاك موطن لي
احبس نفس ثم اعلن سرعة افراجه
يازين اباقول لك اسمع وافطن لي
لا تكون قاسي على قلبي ياحجاجه
ابقى معي طول ماني معك ياخلي
وخلك لقلبي حرير وكون نَسَّاجه
