واضح خلاص عايشة وناسية بقت تمام
ف ملوش لزوم بالشكل دا كتر الكلام
كات هي باقية وسيبتها فبلاش تعيد
وتزيد عشان انت مشيت من غير سلام
–
طبيعي تنسى ولا أنت فاكر فاكرة ايه
مش فاكرة ليك غير ان قلبها جيت عليه
لو كنت متعشم تكون بتحن ليك
فانصيحة عشمك ده بلاش تتخم فيه
ما كانت جنبك وأنت دايما كنت شايف
إن أنت بكرة أكيد تقابل حد تاني
دلوقتي ليه من بَعدها عايش وخايف
ولا أنت شوفت مفيش كدة وإنك أناني
–
عايز تعاتب مين نصيحة بلاش عتاب
وادفع بقى تمن الوجع واشرب كمان
من امتى بنلاقي العتاب من حد ساب
داقت غياب مايخلهاش تديك أمان
